व्यवहार
उजाडताही भकास भासे
जगणे ऐसे निर्जण झाले
सूर्य बुडीच्या संध्यावेळी
सुख बेगडी फुलून आले...
दर्पणातही सरपण यावे
उसने-वारी घरपण यावे
खुळी वावटळ यावी तैसे
फिल्मीवारे बहरून आले...
देठ मनाचे गवसत नाही
बोलून सुटतो काही-बाही
त्यांची तर सुरुवात व्हायची
म्हणे "तयांचे बोलून झाले"...
तळहातावर तुरी द्यायचा
धंदा हुकमी अन न्यायचा
व्यवहाराच्या नावाखाली
झापड बांधून दुनिया चाले...
असे कसे दिक्काल चालले
तरणे-ताठे सारे भुलले
चार चांदण्यांच्या दिमतीला
लक्ख काजवे उडून गेले...
नीरज पुरुषोत्तम चौधरी
16/02/2017
उजाडताही भकास भासे
जगणे ऐसे निर्जण झाले
सूर्य बुडीच्या संध्यावेळी
सुख बेगडी फुलून आले...
दर्पणातही सरपण यावे
उसने-वारी घरपण यावे
खुळी वावटळ यावी तैसे
फिल्मीवारे बहरून आले...
देठ मनाचे गवसत नाही
बोलून सुटतो काही-बाही
त्यांची तर सुरुवात व्हायची
म्हणे "तयांचे बोलून झाले"...
तळहातावर तुरी द्यायचा
धंदा हुकमी अन न्यायचा
व्यवहाराच्या नावाखाली
झापड बांधून दुनिया चाले...
असे कसे दिक्काल चालले
तरणे-ताठे सारे भुलले
चार चांदण्यांच्या दिमतीला
लक्ख काजवे उडून गेले...
नीरज पुरुषोत्तम चौधरी
16/02/2017
No comments:
Post a Comment