आयुष्याच्या वळणावरती

आयुष्याच्या वळणावरती

आयुष्याच्या वळणावरती
असले काही जुळून यावे
जगता जगता मरणाचेही
गुपित आम्हा कळून जावे

आयुष्याच्या वळणावरती
घडून थोडे जावे हातून
लाचारांच्या पोटासाठी
कणभर दाणे द्यावे ओतून

आयुष्याच्या वळणावरती
मिटून जावे भांडण तंटे
माझे मीपण वाहून वाहून
कळले आपण किती करंटे

आयुष्याच्या वळणावरती
जातपातही पुसल्या जावी
अखंड मानवतेला ताळा
आपुल्या हाती त्याची चावी

आयुष्याच्या वळणावरती
आपुलकीला यावे आंदण
प्रत्त्येकाच्या हस्तावरती
नात्यासाठी नवीन कोंदण

आयुष्याच्या वळणावरती
आयुष्याला भरती यावी
मृत्यनेही मरता मरता
हीच भैरवी म्हणून घ्यावी

नीरज पुरुषोत्तम चौधरी
16/6/2017